Ճգնաժամն ու բլոկադան շարունակվում են․ մենք շատ գործ ունենք անելու․ Ռուբեն Վարդանյան (տեսանյութ)
Մեր այսօրվա ճգնաժամն ու բլոկադան շարունակվում են։ Չնայած՝ տարբեր տեղերից զանգեր են գալիս, որ ճանապարհը բաց է, դա այդպես չէ, որովհետև ճանապարհի կողմերում մնացել են ադրբեջանցիները և իրենք կարող են կանգնեցնել մեքենաները, երբ ուզենան: Այս մասին ֆեյսբուքյան իր ուղիղ եթերում ասել է Արցախի պետնախարար Ռուբեն Վարդանյանը:
«Դա անընդունելի է։ Իրենք պետք է լրիվ դուրս գան և չխանգարեն մեքենաների հանգիստ շարժմանը: Դա միակ որոշումն է, որովհետեւ եթե մենք ընդունենք, որ իրենք կարող են այնտեղ կանգնել ու որոշել՝ ինչ մեքենա թողնեն, ինչ մեքենա չթողնեն, դա դառնում է հնարավորություն ստեղծելու КПП (խմբ․- անցակետ)»,-ասաց նա:
ԱՀ պետնախարարն անդրադարձավ նաև նախորդ օրերին տեղի ունեցած հանդիպումներին՝ նշելով, որ ԱՀ ժողովուրդը նույն կերպ է մտածում։
«Շատ ուրախ եմ, որ դուք նույն ձև ենք մտածում, որ մենք միասին ենք: Այո, վիճակը շատ անկայուն է, վիճակը պարզ չի բոլորի համար: Մենք մինչև վերջ պետք է ամեն ինչ հստակեցնենք ու այնպես անենք, որ այս իրավիճակում ունենանք հստակ անվտանգության երաշխիքներ։ Ուրիշ կերպ չի կարող լինել։ Մենք շատ գործ ունենք անելու», - եզրափակեց Վարդանյանը:
Մանրամասները՝ տեսանյութում։










