Սաակաշվիլին ասել է, թե որ դեպքում թունավորման թեստ կհանձնի

21:12 • 26.12.22

Վրաստանի նախկին նախագահ Միխեիլ Սաակաշվիլին պատրաստ է վրացի փորձագետների կողմից թունաբանական հետազոտություն անցնել՝ իր հնարավոր թունավորման մասին տեղեկատվությունը ճշտելու համար, միայն եթե նմուշներն ուղարկվեն արտասահմանյան կլինիկա, և այդ գործընթացին մասնակցի քաղաքական գործչի կողմից մասնագետ, ասել է փաստաբան Իլյա Լոմիան։

Սաակաշվիլին անվստահություն է հայտնում Փորձաքննությունների ազգային բյուրոյի վրացի փորձագետներին և հրաժարվում է արյուն հանձնել թունաբանական հետազոտության համար։

Ավելի վաղ նրա փաստաբանները հայտնել էին, որ քաղաքական գործչի մարմնում ծանր մետաղներով թունավորում են հայտնաբերել օմբուդսմենի գրասենյակի անկախ բժիշկները և օտարերկրյա բժիշկները։

Միաժամանակ քրեակատարողական ծառայությունից հայտնել են, որ, ըստ նույն բժիշկների հաղորդումների, նախկին նախագահի օրգանիզմում թունավոր նյութերի ցուցանիշները չեն գերազանցում նորման։