Սուրեն Պապիկյանը Բելգիայի փոխվարչապետին է ներկայացրել ՀՀ ԶՈւ-ում իրականացվող բարեփոխումների ընթացքը և նպատակները
Բելգիայի Թագավորություն աշխատանքային այցի շրջանակում պաշտպանության նախարար Սուրեն Պապիկյանը հանդիպել է Բելգիայի փոխվարչապետ Դավիդ Կլարինվալին։
Այս մասին Պապիկյանը գրել է ֆեյսբուքյան իր էջում․
«Հանդիպման ընթացքում քննարկել ենք Հայաստանի և Բելգիայի միջև պաշտպանության բնագավառում համագործակցության հնարավորություններին առնչվող հարցեր:
Ներկայացրել եմ ՀՀ զինված ուժերում իրականացվող բարեփոխումների ընթացքը և նպատակները, ինչպես նաև ՀՀ կառավարության «Խաղաղության խաչմերուկ» նախագիծը:
Քննարկել ենք նաև բազմակողմ ձևաչափերով՝ ՆԱՏՕ-ի և ԵՄ շրջանակում համագործակցությանը, ինչպես նաև տարածաշրջանային անվտանգությանը վերաբերող հարցեր»։










