Երկրագնդի 25 տոկոսը «ինտերնետացված» է, 90 տոկոսը՝ «բջջայնացված»

12:29 • 26.05.10

Ինտերնետից օգտվողների թիվը ներկայում կազմում է երկրագնդի բնակչության ավելի քան 25%-ը, իսկ մոլորակի բնակչության 90%-ն օգտվում է բջջային հեռախոսակապից։ Այդ մասին ասվում է Էլեկտրական կապի միջազգային միության հրապարակած զեկույցում։

«2003-ից սկսած, երբ կազմակերպվել էր տեղեկատվական հանրության հարցերով համաշխարհային առաջին բարձր մակարդակով հանդիպումը, ինտերնետից օգտվողների թիվն աճել է ավելի քան երկու անգամ. այժմ աշխարհի բնակչության 25%-ից ավելին օգտվում է ինտերնետից»,– ասել է Էլեկտրական կապի միջազգային միության գլխավոր քարտուղար Խամադուն Թորուեն։

Միաժամանակ, ըստ նրա, բջջային հեռախոսակապի տարածումն աշխարհում շատ ավելի է հեշտացնում կյանքը մոլորակի վրա։