Բացահայտել են Ռեմբրանդտի նկարների ձգողականության գաղտնիքը

Մեծ Բրիտանիայի Կոլումբիայի համալսարանի կանադացի գիտնականները բացահայտել են հոլանդացի նկարիչ Ռեմբրանդտի նկարների ձգողական ուժի գաղտնիքը։ Նրանց կարծիքով՝ հայտնի նկարչի ստեղծագործություններում մեծ նշանակություն ունի պատկերի հստակ և աղոտ հատվածների խաղը։ Այս տեխնիկայի շնորհիվ Ռեմբրանդտը մինչև օրս «վերահսկում է» նրա նկարները դիտող մարդկանց հայացքները։ Այս մասին գրում է РБК-daily-ն։

Անկողմնակալ համակարգչային ուսումնասիրությունը, ինչպես նաև նկարները դիտող մարդկանց վարքը թույլ են տվել բացահայտել հստակ մեթոդներ, որոնց շնորհիվ մեծ նկարիչը ուշադրություն էր հրավիրել իր կերպարների դեմքերին: Օրինակ, դիտողները կենտրոնանում են մի կետի՝ նկարում պատկերված մարդու աչքի վրա՝ հայացքը երկար հառելով այդ կետին, այնուհետև աստիճանաբար անցնելով նկարի աղոտ հատվածներին։

Դա տեղի է ունենում շատ ավելի դանդաղ, քան երբ նույն մարդիկ դիտում են այլ պատկերներ, որոնք չեն պատկանում Ռեմբրանդտի վրձնին։