Եղանակն՝ այսօր
Լույս է տեսել Թոմաս դե Վաալի «Կովկաս» գիրքը
Լրագրող-հետազոտող, Պատերազմի և խաղաղության ինստիտուտի նախկին տնօրեն Թոմաս դե Վաալը հրապարակել է իր հերթական գիրքը՝ «Կովկաս» վերնագրով։
Ինչպես հայտնում է Foreign Policy-ն, գրքում նա անդրադառնում է տարածաշրջանի պատմությանը և քաղաքական իրավիճակին։
Գրքում հիմնականում երեք պատմություն է ներկայացված։
Հայաստանը թակարդված է ժամանակի մեջ, անկարող իրացնել իր բնակչության գործարար ներուժը, քանի դեռ չի լուծել հարաբերություններն այնպիսի հարևանի հետ, ինչպիսին Թուրքիան է։
Մյուսը Ադրբեջանն է, որտեղ պահպանվում են թշնամական տրամադրությունները, այն մոտ է իր նավթային պաշարները սպառելուն և սահուն քայլերով ու ակնհայտորեն աճող ինտենսիվությամբ գնում է դեպի բռնակալություն։
Ինչ վերաբերում է Վրաստանին, ապա այն ամենից շատն է մոտեցել համընդգրկուն ժողովրդավարության, թեև ժամանակ առ ժամանակ շեղվում է ճանապարհից։
Հիշեցնենք, որ Թոմաս դե Վաալը ղարաբաղյան պատերազմի մասին պատմող «Սև այգի» և «Չեչնիա» գրքերի հեղինակն է։
Studio One