Նվագելուց բացի ուրիշ բան չեմ կարող անել նախագահի համար. Էդուարդ Թոփչյան

Եթե անհրաժեշտ լինի նախագահի կողքին կանգնել ու նվագել, Հայաստանի պետական ֆիլհարմոնիկ նվագախմբի գլխավոր դիրիժոր Էդուարդ Թոփչյանը պատրաստ է, սակայն դրանից ավել բան անել չի կարող:

«Ես քաղաքական մարդ չեմ, ոչինչ չեմ հասկանում քաղաքականությունից ու չեմ ուզում շատ բաների մեջ խառնվել: Նվագելուց բացի ուրիշ բան չեմ կարող անել մեր նախագահի համար: Իրա շնորհիվ մենք գոյություն ունենք, մենք սիրում ենք մեր նախագահին: Նրա կողքին ես կարող եմ լինել որպես մարդ, բայց ոչ որպես քաղաքական ուժ»,- այսօր լրագրողների հետ հանդիպմանն ասաց ասաց Թոփչյանը:

Նա նաև տեղեկացրեց, որ հանրապետության առաջին տիկինը հաճախ է լինում ֆիլարմոնիկ նվագախմբի համրեգներին: Նրա հետ է հաճախ լինում է նաև առաջին վարչապետի տիկինը:

«Տարվա ընթացքում ևս մի քանի այնպիսի համերգներ են լինում, որ ներկա է լինում նաև նախագահը: Նախագահը մեզ օգնում է, բայց մենք պետք է գնանք շախմատի ճանապարհով, և ես ուզում եմ, որ մենք կանգնենք Նյու-Յորքի ֆիլարմոնիկի կողքին»,- ասաց Թոփչյանը:

Նա նաև նշեց, որ հայ հասարակության մեջ շատացել են դասական երաժշտության սիրահարները, հատկապես երիտասարդների շրջանում: