Ալեն Դելոնը հոսպիտալացվել է

76-ամյա դերասան Ալեն Դելոնը հոսպիտալացվել է, հայտնում է TF1-ը: Որոշ լրատվամիջոցների համաձայն` Դելոնը հոսպիտալացվել է սրտային առիթմիայի հետ կապված խնդիրների պատճառով:

Այսօր նա վիրահատության է ենթարկվել, որն անցել է «շատ լավ»:

«Նա իրեն լավ է զգում»,- ասել է նրա օգնականը, ով, սակայն, հրաժարվել է մեկնաբանել այն տեղեկությունը, թե 76-ամյա դերասանի մոտ սրտի առիթմիա է: Հիվանդանոցից նույնպես հրաժարվել են մեկնաբանել:

Դերասանը կարող է դուրս գրվել հիվանդանոցից երկու օրից: