Եղանակն՝ այսօր
Չարենցի «Ես իմ անուշ Հայաստանի»-ն կթարգմանվի աշխարհի բոլոր լեզուներով
Հայ մեծանուն գրող Եղիշե Չարենցի «Ես իմ անուշ Հայաստանի» հանրահայտ բանաստեղծութունն այսուհետ հայտնի կդառնա ամբողջ աշխարհում. այն կթարգմանվի աշխարհի բոլոր լեզուներով:
Չարենցի տուն-թանգարանի տնօրեն Լիլիթ Հակոբյանն այսօր ասուլիսին հայտնեց, որ թանգարանի նախաձեռնությամբ նախատեսվում է բանաստեղծությունը թարգմանել աշխարհի բոլոր լեզուներով: Նա նշեց, որ 30 երկրներից արդեն ստացել են թարգմանությունը:
Լիլիթ Հակոբյանը նաև ասաց, որ մի լեզվով ունեն անգամ թարգմանության մի քանի տարբերակ։
«Անգամ եթովպերենից ունենք թարգմանությունը: Մի քանի տարբերակ ունենք պարսկերեն լեզվով, իսպաներենով՝ 3 տարբերակ, ֆրանսերենով՝ երկու: Երևի կստեղծվի մասնագիտական հանձնաժողով, որը կընտրի, թե որն է բնագրին ավելի հարազատ»,- ասաց թանգարանի տնօրենը:
Չարենցի տուն-թանգարանի տնօրենը նշեց նաև, որ առաջին անգամ նախատեսվում է նաև անգլերեն լեզվով Չարենցի ստեղծագործությունների թարգմանությունը, որի նախաձեռնողը դարձյալ թանգարանն է, իսկ թարգմանությունը կատարելու է գրող, թարգմանիչ Սամվել Մկրտչյանը:
Studio One