Տեղի կունենա արևմտահայերենի փորձնական դասագրքերի շնորհանդեսը

«Զանգակ» հրատարակչության գրատանը (հասցե` Կոմիտաս 49/2) օգոստոսի 28-ին տեղի կունենա փորձնական դասագրքերի շնորհանդեսը, տեղեկացնում է Սփյուռքի նախարարության մամուլի ծառայությունը:

Հրատարակվել են Սփյուռքի մեկօրյա հայկական դպրոցների համար «Այբբենարան», «Արեվտահայերէնի դասագիրք. ընթերցարան 1» և «Արեվմտահայերէնի դասագիրք. ընթերցարան 2» դասագրքերի փորձնական օրինակները։

Դասագրքերից յուրաքանչյուրից տպագրվել է 500 օրինակ, որոնք ուղարկվել են սփյուռքի ազգային վարժարաններ, հայկական մեկօրյա կրթական հաստատություններ:

Դասագրքերի մշակմանը մասնակցել են արևմտահայերենի սփյուռքյան և հայաստանյան մասնագետները:

Դասագրքերի տպագրությունն իրականացրել է «Զանգակ» հրատարակչությունը:

Մեկամսյա փորձարկումից հետո առաջարկությունները, դիտողությունները հաշվի կառնվեն դասագրքերի վերջնական տարբերակները հրատարակման պատրաստելիս: