Sony-ն ու «Հարի Փոթեր»-ի հեղինակն կախարդանքների ինտերակտիվ գիրք կթողարկեն

Այս աշուն Sony ընկերությունը հանրահայտ «Հարի Փոթեր» վեպի հեղինակ Ջոան Ռոուլինգի հետ համատեղ պատրաստվում է թողարկել  կախարդանքների ինտերակտիվ գիրք` Wonderbook: BOOK OF SPELLS, գրում է Euromag-ը:

Wonderbook: Book Of Spells գրքի «ընթերցողը» նստելով համակարգչի առջև, միացնելով հատուկ տեսախցիկը և բացելով գիրքը՝  անմիջապես կհայտնվի Ռոուլինգի վեպում ներկայացված կախարդական աշխարհում:

Այստեղ նա կսովորի բազմաթիվ կախարդական անեծքներ, կկարողանա ճիշտ օգտագործել կախարդական փայտիկը, կմարտնչի վիշապների դեմ և հրաշագործ հեղուկների բաղադրատոմսեր կիմանա:

Նորույթը հիմնված է «Հարի Փոթեր»-ի սյուժեի վրա: Wonderbook: Book Of Spells-ը վաճառքի կհանվի հոկտեմբերի 13-ին: