Եղանակն՝ այսօր
Հայաստանի անկախության տարեդարձին նվիրված միջոցառումներ Իսպանիայում
Մադրիդի Սանտա Կարմելիտաս եկեղեցու սրահում սեպտեմբերի 23-ին տեղի է ունեցել Հայաստանի Հանրապետության անկախության 21-րդ տարեդարձին նվիրված միջոցառում։
Արտգործնախարարության մամուլի ծառայության տարածած հաղորդագրության համաձայն՝ միջոցառումը կազմակերպվել էր Իսպանիայում ՀՀ դեսպանության և Մադրիդի հայկական եկեղեցու ծխական խորհրդի կողմից:
Հրավիրյալները ներկա են գտնվել սուրբ պատարագին, որը մատուցում է Իսպանիայում Հայրապետական պատվիրակի փոխանորդ Սասուն վարդապետ Զմրուխտյանը։
Այնուհետև տեղի է ունեցել փոքրիկ համերգ, որին հայկական և եվրոպական դասական երաժշտության կատարումներով հանդես է եկել «Կատարինա Գուրցկա» երաժշտական կենտրոնի դասախոս, ջութակահար Արամ Ասատրյանը և դաշնակահարուհի Տատյանա Ստուդյոնովան:
Համերգին հանդես են եկել նաև Մադրիդի կիրակնօրյա դպրոցի սաները` հայկական երգերի և բանաստեղծությունների կատարմամբ:
Studio One