Եղանակն՝ այսօր
Համերգ-երեկո Լոնդոնում ՝ նվիրված Հայաստանի անկախության 21-րդ տարեդարձին
Սեպտեմբերի 22-ին Լոնդոնի Սբ. Եղիշե հայկական եկեղեցում տեղի է ունեցել հանդիսավոր համերգ-երեկո՝ նվիրված Հայաստանի Հանրապետության անկախության 21-րդ տարեդարձին: Այս մասին տեղեկացնում են ՀՀ ԱԳ նախարարության լրատվական ծառայությունից:
Միջոցառումը կազմակերպվել էր Բրիտանահայ համայնքային և եկեղեցական խորհրդի (ԲՀԵԽ) կողմից՝ Մեծ Բրիտանիայում ՀՀ դեսպանության հովանու ներքո:
Ողջույնի խոսքով ելույթ է ունեցել Մեծ Բրիտանիայում ՀՀ դեսպան Կարինե Ղազինյանը և ԲՀԵԽ նախագահ Արա Փալամուդյանը:
Դոկտոր Ներսես Ներսեսյանը փոքրիկ դասախոսություն կարդաց հայկական մշակույթի և մատենագրության վերաբերյալ: Մասնակիցներին իր օրհնությունը տվեց Հայ առաքելական եկեղեցու Մեծ Բրիտանիայի և Իռլանդիայի թեմի առաջնորդ Տ. Վահան եպիսկոպոս Հովհաննիսյանը:
Համերգային ծրագրում հնչել են հայ և եվրոպական կոմպոզիտորների դասական գործերը: Ցուցադրվել է նաև «Մատենադարան» վավերագրական կինոնկարից մի հատված:
Studio One