Հազվագյուտ ծովային էակ, որը փայլում է ու աճում մինչև 30 մ. ավստրալացի ջրասուզորդների բացառիկ կադրերը (տեսանյութ)

Թասմանիայի ափերի մոտ ավստրալացի ջրասուզորդներին հաջողվել է տեսախցիկով ֆիքսել բացառիկ կադրեր, որոնցում ներկայացված է օվկիանոսի ամենախոր հատվածներում բնակվող հազվագյուտ մի էակ, որի անվանումն է Pyrostremma spinosum։

Ինչպես նշում է Daily Mail-ը, այն նաև կոչում են «ծովի միաեղջյուր», որի երկարությունը հասնում է մինչ 30 մ։ Արտաքուստ այն ամբողջովին «դատարկ» է թվում, կիսաթափանցիկ, իսկ որոշակի անկյան տակ նայելիս կարելի է նկատել, որ Pyrostremma spinosum-ն անգամ փայլում է։

Իրականում դրա խողովակաձև մարմինը կազմված է մի քանի մմ երկարություն ունեցող հազարավոր փոքրիկ միկրոօրգանիզմներից, որոնք ներծծում են ծովի ջուրը, սնվում դրանում եղած պլանկտոնով, ապա ֆիլտրված ջուրը կրկին ետ արձակում։