Google ընկերությունը ներդրումներ կկատարի բժշկության ոլորտում

Ամերիկյան Google ընկերությունը հայտարարել է California Life Co. (կամ պարզապես՝ Calico) բժշկական ընկերությունում խոշոր ներդրումներ անելու մասին, որի գործունեությունը կենտրոնացած է ծերացման և տարիքային հիվանդությունների հետ կապված խնդիրների վրա, գրում է vestifinance.ru-ն։

Հաղորդվում է, որ ընկերությունը կգլխավորի Apple և Genetech ընկերությունների տնօրենների խորհրդի նախագահ Արթուր Լևինսոնը, որը նաև Google ընկերության ղեկավարության անդամ է։ Լևինսոնը կհամատեղի իր զբաղեցրած պաշտոնները նոր պաշտոնի հետ։

Google-ը չի հաղորդում, թե ինչ ծավալի միջոցներ են ներդրվել Calico-ում, սակայն նշում է, որ ծրագիրը դեռ զարգացման նախնական փուլում է գտնվում։