Ձեռքի շարժումներով կառավարվող նոութբուք է թողարկվել

Hewlett-Packard ընկերությունը ներկայացրել է 17 դյույմ անկյունագծով և ներկառուցված Leap Motion կարգավորիչ սարքով Envy 17 նոութբուքը, գրում է Lenta.ru-ն` The Verge-ին հղումով:

Leap Motion սարքահսկորդը թույլ է տալիս կառավարել համակարգիչը ձեռքերի և մատների շարժումներով: Սարքը շարժումները ընկալում է տեսախցիկների և լուսադիոդների միջոցով:

Leap Motion սարքով ներկառուցված Envy 17 նոութբուքը կարժենա 1050 դոլար: Այն կթողարկվի ալյումինե կորպուսով և հագեցած կլինի Intel Core i5 պրոցեսորով, սենսորային էկրանով և լուսավորվող ստեղնաշարով: