Կաշառք ստանալու պահին բռնվել է Երևան քաղաքի քննչական վարչության ավագ քննիչը. ՀՔԾ-ում քրեական գործ է հարուցվել
ՀՀ Ազգային անվտանգության ծառայության համապատասխան ստորաբաժանումների և ոստիկանության ներքին անվտանգության վարչության համատեղ օպերատիվ-հետախուզական միջոցառումների արդյունքներով՝ նոյեմբերի 28-ին կաշառք ստանալու պահին բռնվել է Ոստիկանության քննչական գլխավոր վարչության Երևան քաղաքի քննչական վարչության Կենտրոնականի քննչական բաժնի 1-ին բաժանմունքի ավագ քննիչ, ոստիկանության կապիտան Էդգար Պետրոսյանը, ով Ոստիկանության համակարգում էր 2006 թվականից:
Այս մասին հայտնում են Ոստիկանության մամուլի ծառայությունից:
Նախապատրաստված նյութերն ուղարկվել են Հատուկ քննչական ծառայություն, որտեղ հարուցվել է քրեական գործ:
Էդգար Պետրոսյանը ձերբակալվել է:










