Ուկրաինան և ԵՄ-ն միասնական օդային տարածքի մասին համաձայնագիր են նախաստորագրել

20:32 • 28.11.13

Վիլնյուսում հինգշաբթի Ուկրաինայի և ԵՄ-ի միջև միասնական օդային տարածքի մասին համաձայանգիր է նախաստորագրվել: Այս մասին հաղորդում է INTERFAX-ը՝ ԵՄ-ի Լիտվայի ներկայացուցչության կայքին հղումով:


«Ուկրաինան և ԵՄ-ն Վիլնյուսի՝ «Արևելյան գործընկերության» գագաթնաժողովի շրջանակներում միացյալ ավիացիոն տարածքի մասին համաձայնագիր են նախաստորագրել»,- ասվում է հաղորդագրության մեջ:


Հոկտեմբերին Ուկրաինան և ԵՄ-ն ավարտել են միացյալ ավիացիոն տարածքի մասին համաձայնագրի տեքստի համաձայնեցումը և պայամանավորվել հետագա գործողությունների մասին՝ փաստաթղթի ստորագրման համար:


Ուկրաինայի փոխվարչապետ Ալեքսանդր Վիլկուլն ավելի վաղ կանխատեսել էր, որ համաձայնագրի ստորագրումն  կներգրավի նոր ավիափոխադրողների, ինչը կնպաստի ուղևորների հոսքի աճին: