Բաքվում ազատ է արձակվել իրանցի «ահաբեկիչը»

12:49 • 30.11.13

Ադրբեջանում ձերբակալված Իրանի քաղաքացի Հասան Ֆարաջին ազատ է արձակվել, տեղեկացնում է ադրբեջանական ԱՊԱ գործակալությունը՝ Իրանի դեսպանատան հղումով։

 

Համաձայն տարածված տեղեկատվության՝ Ֆարաջին ազատ է արձակվել ուրբաթ օրը։

 

Նա փորձել է անցնել Իրանի տարածք, սակայն վիզայի հետ կապված խնդրի պատճառով նրան չի հաջողվել վերադառնալ հայրենիք։ Իրանցուն ուղարկել են Լենքորան՝ համապատասխան փաստաթղթեր ստանալու համար։

 

Հասան Ֆարաջին ձերբակալվել էր հոկտեմբերի 31-ին՝ Բաքվում Իսրայելի դեսպանատան շենքի մոտ։ Իրանցին անվտանգության ծառայությունների ուշադրությունն էր գրավել, քանի որ հրաժարվել էր ներկայացնել փաստաթղթերն ու փորձել էր փախուստի դիմել։