Ուկրաինայի իշխող կուսակցության Լվովի ներկայացուցիչները պատրաստվում են հրապարակավ պատռել կուսակցական տոմսերը
Լվովի շրջանում Ուկրաինայի իշխող «Ռեգիոնների կուսակցության» անդամները նախատեսում են զանգվածաբար դուրս գալ կուսակցությունից, հաղորդում է «Ազատություն» ռադիոկայանի ուկրաինական ծառայությունը։
«Կուսակցականները պլանավորում են հրապարակավ պատռել կուսակցական տոմսերն ու շրջանային խորհրդի պատգամավորության մանդատներն ու հայտարարել Նիկոլաևյան շրջանում կուսակցության գործունեության դադարեցման մասին»,-հաղորդում է ռադիոկայանը։
Օրերս հաղորդագրություն է ստացվել, որ Ռադայի պատգամավորների մեծ մասն իշխող կուսակցությունից դուրս է գալիս՝ ի նշան ցուցարարների դեմ ուժի կիրառման դեմ բողոքի։
Երեկ առավոտյան կուսակցությունից դուրս է եկել 3 պատգամավոր։
Հրաժարական է տվել նաև նախագահի աշխատակազմի ղեկավար Սերգեյ Լևոչկինը։ Կիրակի առավոտյան հայտնի էր դարձել, որ հրաժարական է ներկայացրել նաև Կիևի ոստիկանապետ Վալերի Կորյակը։










