Սպիտակ տան կայքում Ուկրաինայի հարցով տասնյակ հանրագիր է հայտնվել
Ուկրաինային առնչվող արդեն 11 հանրագիր է տեղադրվել Սպիտակ տան կայքում, որոնց մեծ մասը հայտնվել է վերջին մի քանի օրերին, հայտնում է «ՌԻԱ Նովոստի»-ն:
Ամենից շատ ձայներ է հավաքել հանրագիրը, որն ԱՄՆ-ի իշխանություններին կոչ է անում Ուկրաինայի ներկայիս իշխանությունը փոփոխելու ուղղությամբ քայլեր ձեռնարկել: Ներկայում դա 56.000 ստորագրություն ունի:
Մյուս հանրագրերը, ի տարբերություն նշվածի, առաջարկում են ավելի կտրուկ գործել Ուկրաինայի դեմ: Դրանք էլ 7.000-ական ձայներ ունեն: Առաջարկվում է նաև պատժամիջոցներ կիրառել նախագահ Յանուկովիչի և այլ բարձրաստիճան պաշտոնյաների դեմ:
ԱՄՆ-ի կողմից պաշտոնական արձագանքի արժանանալու համար հանրագիրը պետք է հավաքի 100 հազարից ավելի ձայն:
Իսկ մինչ այդ Ուկրաինայում շարունակվում են եվրաինտեգրման պահանջով ցույցերը:










