Սիրիայում հակամարտության հետևանքով զոհվել է ավելի քան 125.000 մարդ
Սիրիական հակամարտությունում զոհվել է ավելի քան 125.000 մարդ: Այս մասին հաղորդում է РосБалт-ը՝ հղում կատարելով Լոնդոնում տեղակայված «Մարդու իրավունքների պահպանման սիրիական մոնիթորինգային կենտրոն» իրավապաշտպան կազմակերպությանը:
Ըստ իրավապաշտպանների տեղեկությունների, 2013 թվականի դեկտեմբերի 1-ի դրությամբ զոհվել է 125.835 մարդ, որոնից 44.381-ը խաղաղ բնակիչներ են, այդ թվում՝ 6.627 երեխա և 4.454 կին:
Զոհերի թվում նշվում են ընդդիմության 27.746 գրոհայիններ, ինչպես նաև սիրիական բանակի 2.221 դասալիքներ և ավելի քան 6.200 օտարերկրացիներ, որոնք պայքարում են զինված ուժերի կողմից:
Բացի այդ իրավապաշտպանները գրանցել են, որ զոհվել է լիբանանյան շիական «Հեզբոլլահ» շարժման 232 անդամներ և կառավարության կողմից մարտնչող 256 օտարերկրացիներ:










