Հայտնի են դարձել British Fashion Awards 2013-ի հաղթողները (լուսանկարներ)
Նորաձևության բրիտանական խորհուրդը երեկ երեկոյան The London Coliseum թատրոնի բեմից հայտարարել է British Fashion Awards 2013 մրցանակի հաղթողների անունները, գրում է buro247.ru-ն։
Քվեարկությանը մասնակցել են ավելի քան 300 ճանաչված անձինք նորաձևության ոլորտից։
Հատուկ անվանակարգի՝ «Special Recognition Award»-ի հաղթողների՝ սուպերմոդել Քեյթ Մոսի և The International New York Times պարբերականի լրագրող Սյուզի Մենկեսի անունները մրցանակաբաշխության պաշտոնական կայքում հրապարակվել են նախապես, ինչը միայն հետաքրքրություն է առաջացրել հիմնական անվանակարգերի հանդեպ։
Եվ այսպես՝
«Կանացի հագուստների լավագույն դիզայներ»՝ Քրիստոֆեր Քեյն,
«Տղամարդու հագուստի լավագույն դիզայներ»՝ Քրիստոֆեր Բեյլի (Burberry),
«Լավագույն բրենդ»՝ Burberry,
«Աքսեսուարների լավագույն դիզայներ»՝ Նիկոլաս Կիրկվուդ,
«Տարվա միջազգային դիզայներ»՝ Միուչա Պրադա (Prada),
«Տարվա մոդել»՝ Էդի Քեմփբել,
«Մրցանակ ձեռքբերումների համար»՝ I-D ամսագրի հիմնադիրներ Թերի և Թրիշա Ջոնս,
«Կարմիր գորգ»՝ Erdem։
































