Հայաստանը Մաքսային միություն մտնելու «ճանապարհային քարտեզը» կստորագրի դեկտեմբերի 24-ին. աղբյուր

11:57 • 03.12.13

Հայաստանի՝ Մաքսային միություն մտնելու «ճանապարհային քարտեզը» կստորագրվի Մոսկվայում դեկտեմբերի 24-ին՝ Եվրասիական ինտեգրման միության նիստի ժամանակ: Այդ մասին լրագրողներին հաղորդել է Հայաստան այցի ժամանակ Ռուսաստանի նախագահ Վլադիմիր Պուտինին ուղեկցած պատվիրակության աղբյուրը, հաղորդում է Грузия Online-ը:

 

«Մենք պատրաստում ենք ստորագրման ենթակա փաստաթղթերը: Մաքսային միություն Հայաստանի մտնելու «ճանապարհային քարտեզը» կստորագրվի Մոսկվայում դեկտեմբերի 24-ին՝ Եվրասիական ինտեգրման միության նիստի ժամանակ»,- աղբյուրի խոսքերը մեջբերել է ria.ru-ն:

 

Հայաստանը մտադիր է միանալ Մաքսային միությանը, որի անդամներն են Ռուսաստանը, Բելառուսը և Ղազախստանը, իսկ այնուհետև մասնակցել Եվրասիական տնտեսական միության ձևավորմանը: