«Եվրամայդանի» մասնակիցներն այսօր կարգելափակեն խորհրդարանն ու կառավարությունը
Ուկրաինական իշխանությունների գործողությունների դեմ բողոքող և Ուկրաինայի եվրաինտեգրմանը սատարող ցուցարարներն այսօր պատրաստվում են արգելափակել խորհրդարանն ու կառավարությունը, հաղորդում է focus.ua-ն:
Մի քանի հարյուր ցուցարար Անկախության մայդանից ուղղվել է Գերագույն ռադա՝ պահանջելով կառավարության հրաժարականը:
Գերագույն ռադայի մոտ բեմ է պատրաստվում, առջում կանգնած է մոտ երկու տասնյակ ավտոբուս, շուրջը՝ սաղավարտներով իրավապահներ, հարևան փողոցների բակերում՝ ավտոբուսներ և բեռնատարներ:
Միևնույն ժամանակ բողոքի ակցիայի համակարգողներից մեկի՝ «Բատկիվշչինա» խմբակցության պատգամավոր Անդրեյ Պարուբիայի խոսքով՝ այս գիշեր ուժեղ քամին և որոշ տեղերում -4 ջերմաստիճան ցուրտը ստիպել են ցուցարարներին նոր ապաստանի տարածքներ գտնել մայրաքաղաքի կենտրոնում:










