Ասադը մտադիր է գլխավորել անցումային կառավարությունը

13:19 • 04.12.13

Սիրիայի նախագահ Բաշար ալ Ասադը մտադիր է պահել նախագահի պաշտոնն ու գլխավորել անցումային կառավարությունը, տեղեկացնում է РИА Новости գործակալությունը՝ France Presse գործակալությանը հղումով։

 

Նման հայտարարություն է արել Սիրիայի կառավարության գործող նախարարներից մեկը։

 

Ավելի վաղ Սիրիայի ընդդիմությունը նույնպես հաղորդել էր նոր ժամանակավոր կառավարության ձևավորման մասին, որի կազմում լինելու են 9 նախարարներ՝ Ահմեդ Թոումի գլխավորությամբ։

 

Սիրիայի ընդդիմադիր և հեղափոխական ուժերի ազգային կոալիցիան հայտարարել է, որ հունվարի 22-ին նախատեսված «Ժնև - 2» համաժողովին կմասնակցի անցումային շրջանում Ասադի՝ իշխանությունից հեռանալու պարագայում։

 

Սիրիայի ազատ բանակն իր հերթին Ասադի հեռացումն իշխանությունից համարել է երկրում ռազմական գործողությունների դադարեցման հիմնական պայմանը։