Ուկրաինայում ցույցերի առիթ այլևս չկա. Նիկոլայ Ազարով

14:16 • 04.12.13

Ուկրաինայի վարչապետ Նիկոլայ Ազարովը հայտարարել է, որ երկրում սպառվել են բողոքի ակցիաների համար առիթները, գործադիր իշխանությունն անխափան աշխատում է, հաղորդում է ria.ru-ն:

 

«Այն, ինչ դարձել է փողոցային բողոքի ակցիաների պատճառ, այսօր այլևս չկա»,- հայտարարել է Ազարովը:

 

Նա կարծում է, որ չնայած վարչական շենքերի մոտ պիկետ անելուն՝ Ուկրաինայում գործադիր իշխանությունն անխափան է աշխատում:

 

Պաշտոնյան նաև նշել է, որ կառավարությանը վստահություն հայտնելու մասին Ուկրաինայի խորհրդարանի որոշումը բոլորը պետք է ընդունեն որպես իրավական փաստ, պետք է կանգնեցնել քաղաքական լարվածության սրումը: