Բելգիայում մառախուղի պատճառով 132 ավտոմեքենա է բախվել (տեսանյութ)

14:37 • 04.12.13

Բելգիայի Զոնեբեկե քաղաքի մոտակայքում դեկտեմբերի 3-ին խոշոր ավտովթար է տեղի ունեցել: Խիտ մառախուղի պայմաններում 132 ավտոմեքենա է բախվել, հաղորդում է korrespondent.net-ը:

 

Ճանապարհատրանսպորտային պատահարի հետևանքով վիրավորվել է առնվազն 67 մարդ, նրանցից 13-ը ստացել են ծանր վնասվածքներ, նրանց տեղափոխել են մոտակայքում գտնվող հիվանդանոցներ: Մեկ մարդ մահացել է:

 

Փրկարարական գործողություններին մասնակցել է մոտ 400 մարդ: Պատահարի վայրում շարժական հիվանդանոցի վրան է տեղադրվել, որտեղ վիրավորներին առաջին օգնություն են ցուցաբերել:

Տեսանյութը կարող եք դիտել այստեղ: