Վենեսուելայի խորհրդարանը որպես օրենք է հռչակել Ուգո Չավեսի սոցիալիզմի կառուցման ծրագիրը
Վենեսուելայի նախագահ Նիկոլաս Մադուրոյի առաջարկով՝ երկրի Ազգային ժողովը որպես օրենք է հռչակել սոցիալիզմի կառուցման ծրագիրը, որը մշակել է նախկին նախագահ Ուգո Չավեսը, հաղորդում է ИТАР-ТАСС-ը:
Չավեսը, որը մահացել է այս տարվա մարտին, սոցիալիզմի կառուցման ծրագիրը մշակել էր 2013-2019 թվականների համար և այն հռչակել իր նախընտրական ծրագիր:
«Հայրենիքի ծրագիրը» կոչվող փաստաթուղթը նախատեսում է սոցիալիզմի հետագա կառուցում՝ որպես «վայրի կապիտալիզմին» այլընտրանք, նոր որակի սոցիալ-տնտեսական հարաբերությունների ամրապնդում և այլն:










