Սուրբծննդյան տոներին Նորվեգիայի մուսուլմաններն առաջին անգամ հյուսիսային եղջերվի «հալալ» միս կճաշակեն
Նորվեգիայում բնակվող մուսուլմաններն այս տարվա Սուրբծննդյան ու Ամանորի տոներին առաջին անգամ հնարավորություն կունենան հյուսիսային եղջերվի «հալալ» միս ճաշակել, որը շուտով վաճառքի կհանվի խանութներում:
Ինչպես նշում է Daily Mail-ը, այս միսն արդեն հավանության է արժանացել Նորվեգիայի իսլամական խորհրդի անդամների կողմից: Նորվեգացի արտադրողների հաջորդ քայլը լինելու է նույն կենդանուց «հալալ» ազդրամսի պատրաստումը:
Հյուսիսային եղջերվի միսը լայն տարածում ունի սկանդինավյան երկրներում` հատկապես Սուրբծննդյան տոների սեզոնին: Այժմ Նորվեգիայում բնակվող մուսուլմանները ևս հնարավորություն կունենան իրենց ճաշացանկում ներառել այս մթերքը:










