Մամեդյարովն ու Դավութօղլուն քննարկել են Ղարաբաղյան հարցը
Ադրբեջանի արտգործնախարար Էլմար Մամեդյարովը հանդիպել է Թուրքիայի արտգործնախարար Ահմեթ Դավութօղլուի հետ՝ Ղարաբաղյան հակամարտությունը, ինչպես նաև տարածաշրջանում խաղաղության և կայունության հաստատման համար ընդունվելիք հետագա քայլերը քննարկելու համար։
Ինչպես տեղեկացնում է ադրբեջանական Salamnews կայքը, հանդիպումը կայացել է Կիևում ընթացող ԵԱՀԿ արտգործնախարարների խորհրդի նիստի շրջանակներում։
Հանդիպումը տեղի է ունեցել Մամեդյարովի՝ Հայաստանի արտգործնախարար Էդվարդ Նալբանդյանի հետ հանդիպումից հետո։
Նախօրեին Դավութօղլուն հանդիպել էր նաև ՌԴ արտգործնախարար Սերգեյ Լավրովի հետ և նրա հետ քննարկել Հարավային Կովկասում խաղաղության հաստատման հարցը։










