Ռուսաստանից վրացի «օրենքով գողեր» են արտաքսվել (տեսանյութ)

12:43 • 05.12.13

Լուսանկարում՝ Գիզո Կարդավան

 

Մոսկվայի «Դոմոդեդովո» օդանավակայանից Մոսկվա-Թբիլիսի չվերթով, ոստիկանների հսկողության ներքո երեկ արտաքսվել են երկու «օրենքով գողեր»։

 

Ինչպես տեղեկացնում է «Прайм Крайм» կայքը, արտաքսված «գողերը» 42-ամյա Մամուկա Չկադուան՝ նույն ինքը Մամուկա Գալսկին, և 35-ամյա Գիզո Կարդավան են։

 

Նրանց արտաքսման որոշումը մոսկովյան դատարանը կայացրել էր մեկ օր անց այն բանից, երբ նոյեմբերի 19-ին նրանք ձերբակալվել էին «Տարաս Բուլբա» պանդոկում։

 

Նրանցից ոչ ոք ՌԴ տարածքում գտնվելու օրինական հիմք չի ունեցել։ Մինչև արտաքսումն «օրենքով գողերը» պահվել են Մոսկվայի հյուսիսում գտնվող անօրինական ներգաղթյալների կենտրոնում։