Վրաստանում հրաշալի առաջընթաց եմ տեսնում. Նուլանդ

15:53 • 06.12.13

ԱՄՆ պետքարտուղարի՝ Եվրոպայի և Եվրասիայի հարցերով տեղակալ Վիկտորյա Նուլանդը Վրաստանում հայտարարել է, որ հրաշալի առաջընթաց է տեսնում երկրում։

 

Ինչպես տեղեկացնում է Грузия online-ը, ամերիկացի պաշտոնյան նշել է, որ Վրաստանը զգալի առաջընթաց է գրանցել ժողովրդավարության կառուցման ճանապարհին։
 

«Զարգացումը երևում է ոչ միայն ենթակառուցվածքների, այլև ժողովրդավարության կառուցման ճանապարհին։ Վերահաստատում եմ ԱՄՆ-ի հավատարմությունը՝ աջակցել Վրաստանին անվտանգության և բարօրության ճանապարհին»,-հայտարարել է Նուլանդը։

 

Նա Վրաստան է ժամանել այսօր՝ մեկօրյա այցով։