Նելսոն Մանդելայի դին 3 օր կպտտեն փողոցներով

16:09 • 07.12.13

Հանգուցյալ Նելսոն Մանդելայի մարմինը 3 օր մեքենայով կպտտեն Հարավային Աֆրիկայի Հանրապետության մայրաքաղաքում, հայտնում է France-Presse-ը:


Նախօրեին Յոհանեսբուրգում 95 տարեկանում վախճանված Մանդելայի սգո թափորը կշրջի մայրաքաղաք Պրետորիայի փողոցներում:


Թափորը կշրջի չորեքշաբթի, հինգշաբթի և ուրբաթ օրերին, որպեսզի բոլորը կարողանան հրաժեշտ տալ երկրի նախկին լեգենդար առաջնորդին:


Հայտնի է, որ դեկտեմբերի 10-ին Յոհանեսբուրգի մարզադաշտում աշխարհի շատ բարձրաստիճան պաշտոնյաների մասնակցությամբ կկայանա Մանդելայի հոգեհանգստի արարողությունը:


Հուղարկավորությունը տեղի կունենա դեկտեմբերի 15-ին նրա հայրենի Կուվու գյուղում: