Սիրիայում անջատվել է ինտերնետն ու հեռախոսակապը
Սիրիայում այսօր անջատվել է ինտերնետն ու հեռախոսակապը, հաղորդում է gazeta.ru-ն՝ հղում անելով Al Arabiya-ին:
Սիրիական հեռուստատեսության տեղեկություններով՝ ինտերնետի անջատման պատճառն օպտիկամանրաթելային մալուխի վնասումն է: Հեռախոսակապի անջատման պատճառները դեռևս հայտնի չեն:
Հեռահաղորդակցության և ինտերնետի աշխատանքի խափանումը հաստատվել է Դամասկոսում և դրա շրջակայքում, սակայն խափանումներ կարող են լինել նաև երկրի այլ հատվածներում:
Չի բացառվում, որ կապի միջոցների անջատումը կառավարական ուժերի և զինված ընդդիմության միջև բախումների ընթացքում ենթակառուցվածքների վնասման հետևանք է։










