Հայտնի թուրք լրագրողը դիմել է Ադրբեջանի կառավարությանը՝ խնդրելով հանել իրեն «սև ցուցակից»

14:17 • 09.12.13

Հայտնի թուրք լրագրող, «Միլլիյեթ» պարբերականի սյունակագիր և CNN Turk հեռուստաընկերության թղթակից Նագեհան Ալչըն դիմել է Ադրբեջանի ղեկավարությանը՝ խնդրելով բացառել իրեն անցանկալի անձանց ցուցակից, որտեղ նա ընդգրկվել է «եղբայրական Ադրբեջանի տարածքային ամբողջականությունը» խախտելու համար։

 

Այդ մասին ադրբեջանական ԱՊԱ գործակալությանը տեղեկացրել է Ադրբեջանի արտգործնախարարության մամուլի ծառայության ղեկավար Էլման Աբդուլլաևը։

 

Ալչըն դիմել է Ադրբեջանի ղեկավարությանը՝ խնդրելով թույլատրել այցելել Ադրբեջան։ Իր դիմումում թուրք լրագրողը նշել է, թե հարգում է «եղբայրական երկրի տարածքային ամբողջականությունը»։

 

Մամուլի ծառայության ղեկավարը հայտարարել է, որ այդ դիմումը քննարկվելու է։

 

Դրական վճռի դեպքում թուրք լրագրողը կհանվի «անցանկալի անձանց» ցուցակից։