Մեծ Բրիտանիայում սայենթոլոգիան կրոն է ճանաչվել
Լոնդոնի գերագույն դատարանը սայենթոլոգիան կրոն է ճանաչել: Այս մասին հաղորդում է Газета.ru-ն՝ հղում կատարելով BBC-ին:
Համապատասխան որոշումը կայացվել է 25-ամյա Լուիզա Հոդկինի հայցը քննելիս: Վերջինս պահանջում էր բրիտանական իշխանություններից՝ պաշտոնական ճանաչել իր ամուսնությունը, որը կատարվել է սայենթոլոգիական եկեղեցում:
Արդյունքում՝ Գերագույն դատարանի 5 դատավորներ հաստատել են, որ սայենթոլոգիան կրոն է, իսկ նրա պաշտոնական տարածքները՝ հոգևոր սպասավորության վայր:










