IKEA-ն վաճառքից հետ է կանչում մանկական էլեկտրական լամպերը՝ երեխայի մահից հետո
IKEA ընկերությունը վաճառքից հետ է կանչում երեխաների համար նախատեսված միլիոնավոր SMILA էլեկտրական լամպեր, գրում է gazeta.ru-ն՝ հղում անելով Associated Press-ին: Այդ ապրանքը վաճառվում էր վերջին 14 տարիների ընթացքում:
Կորպորացիայի նման որոշման պատճառ է դարձել երեխայի մահը, որը խաղացել է լամպի էլեկտրական լարի հետ և իրեն խեղդել դրանով:
Եվս մի երեխա նմանատիպ իրավիճակում լուրջ վնասվածք է ստացել:
Ընդամենը երեք տարվա ընթացքում վաճառվել է տասնյակ միլիոնավոր նման լամպ:










