Երգչուհի Ռուսլանան ցուցարարներին կոչ է արել Մայդանում մնալ մինչև դեկտեմբերի 17-ը

10:27 • 12.12.13

Ուկրաինացի երգչուհի Ռուսլանան Կիևի կենտրոնում ցույց անողներին կոչ է արել Անկախության հրապարակում մնալ առնվազն մինչև դեկտեմբերի 17-ը, տեղեկացնում է Взгляд-ը։

 

«Վեց օր մենք կկանգնենք, ես վստահ եմ»,-ասել է երգչուհին։

 

Այդ մասին նա հայտարարել է հինգշաբթի երեկոյան՝ բեմից դիմելով ցուցարարներին։

 

Ուկրաինայի ընդդիմադիր «Ազատություն» միության առաջնորդ Օլեգ Տյագնիբոկը կոչ է արել ՆԳՆ-ին և երկրի բանակին միանալ ցուցարարներին։ Նա հավելել է, որ «Բերկուտ» հատուկ ջոկատի մի խումբ հրաժարվել է ավտոբուս նստել և Կիև մեկնել։