Թաիլանդի ընդդիմության առաջնորդին մարդասպանության մեղադրանք է ներկայացվել

11:55 • 12.12.13

Թաիլանդում շարունակվում են իշխանությունների հրաժարականի պահանջի շուրջ զարգացումները: Associated Press-ը հայտնում է, որ ցուցարարներն անջատել են վարչապետի նստավայրի հոսանքը, պահանջում են, որպեսզի ոստիկանները հեռանան:

 

Միևնույն ժամանակ The Guardian-ը հայտնում է, որ ընդդիմության առաջնորդին` նախկին վարչապետ Աբհիսիթ Վեջաջիվային, մարդասպանության մեղադրանք է ներկայացվել:

 

Նա պաշտոնապես մեղադրվել է 2010-ի հուզումների ժամանակ երկու սպանության համար, երբ ինքը դեռ իշխանության գլուխ էր և ամբոխի վրա կրակ բացելու հրահանգ էր տվել:

 

2010-ին հակակառավարական ակցիաների ժամանակ Թաիլանդում 90 մարդ էր զոհվել: