ՀՀ ազգային արխիվի աշխատակիցը տեղեկանք տրամադրելու համար 120.000 դրամ կաշառք է պահանջել և ստացել

15:58 • 14.12.13

ՌԴ-ում կենսաթոշակի անցնելու համար անհրաժեշտ աշխատանքային ստաժի վերաբերյալ տեղեկանք տրամադրելու համար, ՀՀ ազգային արխիվի Սիսիանի տարածքային ներկայացուցիչ Ա. Պ.-ն պահանջել և ստացել է 120.000 դրամ կաշառք:

 

Այս մասին հաղորդում է Ոստիկանության կայքը:

 

Կաշառք տալու և վերցնելու փաստը պարզվել է Ոստիկանության կազմակերպված հանցավորության դեմ պայքարի գլխավոր, Սյունիքի մարզային վարչությունների և Սիսիանի բաժնի ծառայողների ձեռնարկած օպերատիվ-հետախուզական միջոցառումների արդյունքում:

 

Կաշառառուն բերման է ենթարկվել բաժին: Կատարվում է հետաքննություն: