Յանուկովիչի կողմնակիցները Կիևում վրաններ են տեղադրում
Ուկրաինայի նախագահ Վիկտոր Յանուկովիչի կողմնակիցները Կիևում վրանային ճամբար են տեղադրում կառավարության շենքի մոտ։
Ինչպես տեղեկացնում է РИА Новости գործակալությունը, արդեն մոտ 30 բանակային մեծ վրաններ են տեղադրվել, դրանց առջև խարույկներ են վառում և մարդիկ սնունդ են պատրաստում։
Յանուկովիչի կողմնակիցների հանրահավաքին ելույթ ունենալով՝ վարչապետ Նիկոլայ Ազարովը ուկրաինացիներին կոչ է արել դադարեցնել ակցիաները Կիևում։
Նրա տեղեկություններով՝ ցույցեր են ընթանում միայն Կիևում։
«Ես տեղեկություն ունեմ միայն Կիևի մասին, իսկ երկրի մնացած շրջանները հիմնականում հանգիստ են։ Մենք Կիևին նույնպես պետք է հանգստություն տանք։ Ես այժմ եկել եմ այս հանրահավաքին և ցավում եմ Կիևում տեղի ունեցողի համար։ Ես դիմում եմ քաղաքական գործիչներին, եկե՛ք տղամարդկություն ունենանք և ասենք մեր մարդկանց՝ վերադարձե՛ք ձեր ընտանիքների մոտ և զբաղվե՛ք ձեր գործերով»,-ասել է Ազարովը։










