Սոթք-Քարվաճառ ճանապարհին 5 ավտոմեքենա դուրս է բերվել արգելափակումից

16:34 • 15.12.13

Արտակարգ իրավիճակների նախարարություն այսօր՝ ժամը 11.32-ին ահազանգ է ստացվել, որ Սոթք-Քարվաճառ ավտոճանապարհին ձնաբքի հետևանքով ավտոմեքենան արգելափակվել է. անհրաժեշտ է փրկարարների օգնությունը:


Ըստ ԱԻՆ կայքի՝ դեպքի վայր է մեկնել մեկ մարտական հաշվարկ: Հրշեջ-փրկարարների և «Արցախուղի ՃՇՇ» ՓԲԸ-ի աշխատակիցների կողմից արգելափակումից դուրս է բերվել 5 ավտոմեքենա:


Կատարվում են ճանապարհահատվածի մաքրման և մշակման աշխատանքներ: