Էթնա հրաբխի ժայթքման պատճառով փակվել է Սիցիլիայի օդանավակայանը
Իտալական Էթնա հրաբխի հերթական ժայթքման պատճառով, որը տեղի է ունեցել դեկտեմբերի 15-ին, փակվել է սիցիլիական Կատանիա քաղաքի օդանավակայանը, գրում է «Комсомольская правда»-ն:
Չեղյալ է համարվել Կատանիայից 21 չվերթ: Եվս 26 ինքնաթիռ ուղարկվել է պահեստային օդակայան: Կատանիայից բացի, դադարեցրել է ինքնաթիռ ընդունել նաև Կոմիզո քաղաքի օդանավակայանը:
Ակտիվությունը, որը մասնագետները համարում են վերջին ամիսների ընթացքում ամենաինտենսիվը, գրանցվել է նոր հարավ-արևելյան խառնարանում: Լավայի հոսքը դուրս է եկել խառնարանի սահմաններից և հասել մեկ կիլոմետրի:
Նոյեմբերի 23-ին Էթնայի ժայթքման պատճառով հրաբխի մոտակայքում գտնվող քաղաքները ծածկվել էին մոխրով:










