Ոստիկան-դաշնակահարը փողոցում համերգ է տվել հերթապահության ժամանակ (տեսանյութ)
Նորեկ ոստիկանը դարձել է Չեխիայում ամենահայտնի իրավապահն այն բանից հետո, երբ համացանցում տեղադրվել է նրա մասնակցությամբ մի տեսանյութ, գրում է ntv.ru-ն:
Իր հերթապահության ժամանակ, նա նստել է Պրահայի կենտրոնում հանրային օգտագործման համար տեղադրված դաշնամուրի առաջ և նվագել հարավկորեացի կոմպոզիտոր Ի Ռումայի River Flows in You մեղեդին: Դրանից հետո համազգեստով երաժիշտը կանգնել է և, ասես ոչինչ չի եղել, շարունակել պարեկությունը:
30 վայրկյան տևողությամբ տեսանյութը YouTube է տեղադրվել դեկտեմբերի 15-ին: Այն ուշադրության է արժանացել նաև Չեխիայի ոստիկանությունում:
Սակայն ոստիկանին որոշել են չպատժել կարգապահությունը խախտելու համար: Պրահայի ոստիկանապետ Մարտին Չերվիչեկը հայտարարել է, որ միայն այդ տեսանյութը շատ ավելին է արել իրավապահ մարմինների դրական կերպարի ստեղծման համար, քան կարողացել է անել ինքը:
Երաժշտի մասին շատ բան հայտնի չէ: Հաղորդվում է միայն, որ երիտասարդը ոստիկանությունում աշխատանքի է անցել ընդամենը վեց շաբաթ առաջ:










