Սաուդիան Արաբիայում հաստատվել է պետինստիտուտների քննադատությունն արգելող օրինագիծը

14:17 • 17.12.13

Սաուդիան Արաբիայի կառավարությունը հաստատել է նոր հակաահաբեկչական օրինագիծը, որն արգելում է պետական ինստիտուտների քննադատությունը, հայտնում է rbc.ru-ն՝ վկայակոչելով Associated Press-ին։

 

Իրենց մտահոգությունն են արդեն հայտնել իրավապաշտպանները։ Նրանց կարծիքով, օրինագիծը կարող է օգտագործվել նաև քաղաքական այլախոհներին ճնշելու համար։ Նշվում է, որ իրենց դիրքորոշումը իրավապաշտպանները հայտնել են անանունության պայմանով։

 

Բացի ահաբեկիչներից, որոնք, ըստ փաստաթղթի, «կարող են սպառնալ երկրի միասնությանը», օրենքը կարող է կիրառվել նաև ժողովրդավարական բարեփոխումների կոչ անողների դեմ։ 

 

Երկրի պետական ԶԼՄ-ները արդեն հրապարակել են օրինագծի մանրամասները՝ կառավարության նիստի ավարտից հետո։