Հալեպում հայ է զոհվել
Սիրիայի հայաշատ Հալեպ քաղաքում՝ Ալ-Մունշիե, Ապպարա և Բուսթան Գըլափ շրջաններում, երեկ առավոտյան ժամերին մոտ 30 հրասանդի արկ է պայթել:
Ինչպես տեղեկացնում է «Բերիո լուրերի» ֆեյսբուքյան էջը, պայթյունների հետևանքով զոհվել է 5, վիրավորվել՝ ավելի քան 70 մարդ:
Զոհերի թվում է նաև 62-ամյա հայ Նազարեթ Դրեժյանը, որը վերադառնալիս է եղել աշխատանքից:
Նրա հուղարկավորությունը կայանալու է այսօր՝ Հալեպի Սուրբ Աստվածածին եկեղեցում:










