«Կարս-Ախալքալաք» երկաթգծի շինարարները Վրաստանում գործադուլ են հայտարարել
Վրաստանում «Կարս-Ախալքալաք» երկաթգծի վրա աշխատող մոտ 50 շինարար գործադուլ է հայտարարել։ Ինչպես հայտնում է kavkaz-uzel.ru-ն՝ վրացական ԶԼՄ-ներին հղումով, նրանք պահանջում են աշխատավարձերի վճարում։
Շինարարների խոսքերով՝ իրենք չեն վճարվել արդեն 1 տարի, և եթե պարտքերը չմարվեն, ապա նրանք սպառնում են զանգվածային ակցիաներ իրականացնել։
Մինչդեռ շինարարությամբ զբաղվող «Փարախի» ընկերությունն ի պատասխան ասել է, որ շինարարները վարձվել են միջնորդների կողմից, ովքեր էլ պարտավոր են իրականացնել այդ վճարումները։
«Կարս-Ախալքալաք» երկաթգծի շինարարությունը սկսվել է 2005թ. դեկտեմբերի 1-ին՝ «Բաքու-Թբիլիսի-Կարս» նախագծի շրջանակներում։ Այն պետք է միավորի Ադրբեջանի, Վրաստանի և Թուրքիայի երկաթգծերը։










