Գերմանիայում կնոջը դատապարտել են 33 մկան սպանության համար

00:04 • 20.12.13

Գերմանական Կոբլենց քաղաքի դատարանը  Բունդեսվերի 29-ամյա նախկին զինծառայողուհուն պարտավորեցրել է վճարել 1.500 դոլարի չափով տուգանք՝ կենդանիների պատշպանության մասին օրենքը խախտելու համար: Այս մասին հաղորդում է Lenta.ru-ն՝ հղում կատարելով AP-ին:


Գործակալությունը նշում է, որ գումարը կհատկացվի անտուն կենդանիների ապաստարաններից մեկին:


Կնոջը դատապարտել են տեսանյութի համար, որում երևում է, թե ինչպես է նա  33 մուկ ամրացրել գետնին և հերթականությամբ սպանում է դրանց: Տղամարդը, ով իրականացրել է տեսագրությունը, դատապարտվել է նույն պատժին: Նրա խոսքով` ինքն այս տեսագրությունը կատարել է անհայտ մարդու խնդրանքով, ով դրա համար նրան  100.000 դոլար է խոստացել: