Խոդորկովսկին լքել է կալանավայրը

13:59 • 20.12.13

ՌԴ նախագահ Վլադիմիր Պուտինի կողմից համաներման արժանացած «ՅՈՒԿՕՍ» նավթային ընկերության նախկին ղեկավար Միխայիլ Խոդորկովսկին լքել է կալանավայրը, հաղորդում է Interfax.ru-ն:

 

Գործակալության տեղեկություններով՝ Խոդորկովսկին Սեգեժա քաղաքում գտնվող կալանավայրը լքել է ժամը մոտ 12.20-ին:

 

Պատժի կրման դաշնային ծառայությունում, սակայն, պաշտոնապես դեռ չեն հաստատել տեղեկությունը։

 

Ուրբաթ առավոտյան հայտնի է դարձել, որ Ռուսաստանի նախագահ Վլադիմիր Պուտինը ստորագրել է Միխայիլ Խոդորկովսկու համաներման մասին հրամանագիրը: